یرو شلم میں بر طانوی کونسلیٹ جنرل نے 21 طلبہ اور ان کے متعلقین کو غزہ سے نکلنے اور بر طانیہ میں اسکالر شپ کے تحت تعلیم شروع کرنے میں مدد دی ہے۔ان میں وسام ابو عجوہ جو ناٹنگھم یونی ورسٹی میں اینوائرنمینٹل ریسرچ میں ایم اے کرے گا، ورائف احمد جو آکسفورڈ میں کیمسٹری میں پوسٹ ڈاکٹریٹ ریسرچ کرے گا اور عمر عتبہ جسے بر طانوی حکومت سے نامور شیوننگ اسکالر شپ ملا ہے، لیڈز یونی ورسٹی میں سائنس منیجمنٹ میں ایم ایس سی کرے گا۔

 

26 جون تک اسرائیلی حکام نے غزہ کے طلبہ کو بیرون ملک تعلیم کے لئےغزہ کی پٹی سے نکلنے کی اجازت نہیں دی تھی۔ بر طانیہ، امریکا اور یورپی یونین کی شدید لابنگ کے بعد اسرائیل اب ان طلبہ کو جنہیں اسکالر شپ ملی ہے ( خود اپنے خرچ پرآنے والے طلبہ کو نہیں) صرف اس صورت میں غزہ کی پٹی سےجانے کی اجازت دے رہا ہے جب وہ اسرائیلی سیکیورٹی چیکنگ میں پاس ہوجائیں اور ان کے متعلقہ سفارتی مشن کے لوگ انہیں ایلنبی کے راستےغزہ سے اردن تک پہنچانے آئیں۔

 

کونسل جنرل رچرڈ میک پیس نے کہا کہ

 

" یہ طلبہ فلسطینی انٹیلیجنشیا کی نمائندگی کرتے ہیں اور ہمیں فخر ہے کہ وہ بر طانوی یونی ورسٹیوں میں تعلیم حاصل کریں گے۔ ہم ہر ممکن کوشش کرتے رہیں گے کہ ان کی تعلیم مکمل ہو اور وہ اپنی بیش قیمت مہارت اور علم کے ساتھ غزہ لوٹیں تاکہ تمام فلسطینی عوام کو اس کا فائدہ پہنچے".

 

 ان طلبہ کو غزہ سے اردن تک پہنچانے اور عمان سے بر طانیہ کے لئے روانہ کرنے میں کن دشواریوں کا سامنا کر نا پڑا اس کی تفصیل ہم ایک سلسلہ وار مضمون کی شکل میں پیش کررہے ہیں جسے یروشلم میں تعینات برطانوی سفارتکار اینجلا کرامپٹن نے تحریر کیا ہے ۔