فارن سکریٹری ڈیوڈ ملی بینڈنے اردن میں شاہ عبداللہ سے منگل کو ملاقات کی جس میں مشرق وسطی امن عمل میں پیش رفت موضوع گفتگو تھا۔

اس ملاقات کے بعد جو ظہرانے پر ہوئی ڈیوڈ ملی بینڈ نے عمان کے برطانوی سفارتخانے میں ایک پریس کانفرنس کی جس میں انہوں نے یروشلم کی موجودہ صورتحال کو ' کشیدہ' قرار دیا۔ انہوں نے کہا

" موجودہ صورتحال یروشلم کے معاملے میں خاص طور پر کشیدگی کا شکار ہے۔ ہم یورپی یونین اور اپنے بین الاقوامی شراکت داروں کے ساتھ وہاں کے واقعات کو خاصی تشویش کی نگاہ سے دیکھ رہے ہیں"۔

فارن سکریٹری نے شیخ جراح میں ایک فلسطینی خاندان کے گھر میں آباد کاروں کی منتقلی پر خاص طور سے تشویش ظاہر کی ہے۔ انہوں نے کہا

" ہماری نظر میں آباد کاری غیر قانونی ہے اور مغربی کنارے اور مشرقی یروشلم میں تصفیہ امن کے راستے میں ایک رکاوٹ۔ اس خطے میں تحفظ اور سماجی انصاف میں دلچسپی رکھنے والے افراد کے لئے یہ بڑی اہم  بات ہے کہ سرحدوں اور علاقے کے بارے میں بات چیت دوبارہ سنجیدگی سے شروع ہوکیونکہ اگر سرحد اور علاقے کے بارے میں پیش رفت ہو تو اس سے آبادکاری کا مسئلہ حل ہو سکتا ہے"۔

فارن سکریٹری نے عمان میں امریکی سفارتکانے میں مشرق وسطی کے لئے امریکہ کے خصوصی ایلچی سینیٹر جارج مشل سے بھی بات چیت کی ۔

ڈیوڈ ملی بینڈ کئی اردنی افسران سے بھی ملاقاتیں کر رہے ہیں تاکہ برطانیہ- اردن تعلقات کو مستحکم کیا جا سکے اور اسرائیل –  فلسطین تنازع کے دو ریاستی حل کے لئے برطانیہ کے عزم کا اعادہ کیا جاسکے۔اس سال یہ فارن سکریٹری کا اردن کادوسرا دورہ ہے۔

Back to newsroom

واپس اوپر