افغانستان میں ہماری کامیابیاں

حکومت سازی کی بہتری میں

· ہلمند کے 14 میں سے 12 اضلاع [ نوا، نادعلی، گریشک، سنگین، موسی قلعہ، گرم سیر، نوآزاد، خانشین،دیشو اور کجاکی ] میں ضلعی گورنر تعینات ہیں اور لشکر گاہ میں ایک مئیر۔2008 ء میں صرف 5 ضلعی گورنر تھے

· صوبائی بحالی ٹیم [پی آر ٹی] کے تعاون سے ہلمند میں 4 کمیونٹی کونسلیں قائم کی گئی ہیں تاکہ مقامی نمائندوں کو ترقی کی سمت متعین کرنے اور اپنے اضلاع میں استحکام کے لئے اختیارات دئیے جاسکیں۔ گریشک کمیونٹی کونسل کی 5 اراکین خواتین ہیں۔ ناد علی اور گریشک کمیونٹی کونسل میں حال میں تازہ انتخابات ہوئے جس میں کمیونٹی نے بڑی تعداد میں حصہ لیا۔ یہ ثبوت ہے اس بات کا کہ لوگ مقامی سیاسی عمل میں زیادہ سے زیادہ حصہ لے رہے ہیں۔

· ضلعی فراہمی پروگرام کے ذریعے پی آر ٹی نے صوبائی انتظامیہ کو بجٹ تعاون فراہم کیا ہے۔

· لشکر گاہ میں 26 افغان لائن وزارتیں موجود ہیں جس میں دیہی بحالی اور ترقی، تعلیم، عوامی صحت، مالیات، توانائی اور پانی [ بشمول ہلمند اور ارغنداب ویلی اتھارٹی] پبلک ورکس، ٹرانسپورٹ، انفارمیشن، میڈیا اور ثقافت اور انسداد منشیات کی وزارتیں شامل ہیں۔